ЗАПОЗНАЈТЕ ЈА ГЕРМАНИЈА

„Запознајте ја Германија“ е тродневен германски Вики Камп кој ќе се одржи од 3-5 мај 2019 година во хотелот Романтик во Велес, со цел надополнување на Википедија на македонски јазик со текстови на германски теми. Ова е заеднички проект на GLAM Macedonia и Goethe-Institut Skopje.
Доколку сте ученик од 7 до 9 одделение или било која година од средно училиште и член сте на Вики Клубовите во Македонија кои ги води здружението ГЛАМ Македонија, покажете го својот интерес за учествона овој Вики Камп со пополнување на следниот прашалник:
https://docs.google.com/…/1FAIpQLSdS8sdnU_BUcad-G3…/viewform

* * * * *

Повеќе информации за тоа што е Вики Камп прочитајте на линкот: http://wikicamp.mk/2017/12/05/што-е-вики-камп/

ОТВОРЕН ВИКИ КЛУБ ГЕВГЕЛИЈА

На 21 март 2019 година, започна со работа Вики Клубот во Гевгелија, во рамки на средното училиште „Јосиф Јосифовски“. На првата обука присуствуваа шест ученици, кои успешно создадоа нови статии на Википедија на македонски јазик. Вики Клубот во Гевгелија работи под водство на професорот Горан Манев.

Инаку ова е петти Вики Клуб во Македонија што го води здружението ГЛАМ Македонија. Првиот и најголем Вики Клуб беше основан вна 19 октомври 2016 година во просториите на Музј на македонската борба, а останатите Вики Клубови се во Старо Нагоричане, Охрид и Штип.

ДОДЕЛЕНИ НАГРАДИТЕ ОД ПРОЕКТОТ „ЗАПОЗНАЈТЕ ЈА УНГАРИЈА“

На 13 март 2019 година, во просториите на Здружението на Унгарците „Теледом“ свечено беа доделени наградите за најдобрите уредувачи. Наградите ги додели амбасадорот на Република Унгарија во Скопје, Ласло Дукс.

Резултатите од предизвикот „Запознајте ја Унгарија“се следните: 28 Википедијанци, сите членови на Вики Клубовите во Македонија кои ги раководи Здружението на граѓани ГЛАМ Македонија, за 30 дена, од 25 јануари до 23 февруари 2019 година, создадоа вкупно 408 нови статии на Википедија на македонски јазик на тема Унгарија

Првите петмина најдобри се (следуваат кориснички имиња):

  1. ‎Ina pet – 112,5 поени (113 статии)
  2. Simona Trajkoska – 42 поени (48 статии)
  3. Jtasevski123 – 41,5 поени (45 статии)
  4. Krstevska123 – 34 поени (39 статии)
  5. PetarZdravevski – 34 поени (36 статии)

За најдобра статија е прогласена Унгарска револуција (1848), на која е додаден текст од 85 илјади бајти.

Инаку во рамки на проектот, се одржа заедничко уредување на унгарски теми на 1 февруари 2019 година во просториите на Здружението на Унгарците во Македонија „Теледом“.  Триесет нови статии беа создадени во текот на три часа заедничко уредување, и две статии беа надополнети со текст.

ЗАПОЗНАЈТЕ ЈА УНГАРИЈА, резултати

Предизвикот „Запознајте ја Унгарија“ заврши. Резултатите се: 28 Википедијанци, сите членови на Вики Клубовите во Македонија, за 30 дена создадоа вкупно 408 нови статии на Википедија на македонски јазик на тема Унгарија.

Првите петмина најдобри се (следуваат кориснички имиња):

  1. ‎Ina pet – 112,5 поени (113 статии)
  2. Simona Trajkoska – 42 поени (48 статии)
  3. Jtasevski123 – 41,5 поени (45 статии)
  4. Krstevska123 – 34 поени (39 статии)
  5. PetarZdravevski – 34 поени (36 статии)

За најдобра статија е прогласена Унгарска револуција (1848), на која е додаден текст од 85 илјади бајти.

Инаку во рамки на проектот, се одржа заедничко уредување на унгарски теми на 1 февруари 2019 година во просториите на Здружението на Унгарците во Македонија „Теледом“.  Триесет нови статии беа создадени во текот на три часа заедничко уредување, и две надополнети со текст.

ЗАЕДНИЧКО УРЕДУВАЊЕ во ТЕЛЕДОМ

Првото заедничко уредување на унгарски теми, а поврзано со проектот „Запознајте ја Унгарија“ се одржа на 1 февруари 2019 година во просториите на Здружението на Унгарците во Македонија „Теледом“.  Триесет нови статии беа создадени во текот на три часа заедничко уредување, и две надополнети со текст.

За седум дена, веќе се создадени повеќе од 225 статии на унгарски теми, објавени на Википедија на македонски јазик.

РЕЗУЛТАТИ ОД АКТИВНОСТИТЕ ВО 2018 година

Годината 2018 за ГЛАМ Македонија како Здружение на граѓани беше продуктивна и успешна. Членовите на Здружението направија екстра напори во правец на пропагирање на идејата за слободно знаење, како и во користењето на материјалите при создавање и надополнување на статии на Википедија на македонски јазик, што претставува создавање на слободно знаење, достапно на секого.

Одржани беа бројни настани, членовите на Здружението како претставници се појавија на неколку конференции во странство, а бројките сами зборуваат за успехот:

*Повеќе од 3220 статии беа создадени или надополнети само од членовите на Вики Клубовите во Република Македонија;

*Околу 750 статии беа создадени или надополнети и проверени како резултат на соработката со ГЛАМ секторот;

* 616 лица биле дел од настаните организирани од ГЛАМ Македонија.

ЗАПОЗНАЈТЕ ЈА УНГАРИЈА

Здружението на Унгарците во Република Македонија „Теледом“ поддржано од Амбасадата на Унгарија во Скопје во соработка со ГЛАМ Македонија организира едномесечно уредување на унгарски теми. Целта на проектот, наречен „Запознајте ја Унгарија“ е да се запознаат младите во Република Македонија со унгарската култура, историја и географија преку создавање и/или надополнување статии на Википедија на македонски јазик. Проектот ќе се одвива во текот на 30 дена, од 25 јануари до 23 февруари 2019 година, и ќе опфаќа неколку заеднички работилници.

Право на учество имаат сите малолетни ученици над 10 години од Република Македонија, стари и нови членови на Вики Клубовите, кои ги води ГЛАМ Македонија.

Најуспешните ќе бидат наградени, а наградите ги обезбедуваат Амбасадата на Унгарија и Здружението на Унгарците во Република Македонија. Оценувањето на резултатите од проектот ќе го изврши Комисија формирана од страна на Здружението ГЛАМ Македонија и Здружението на Унгарците во Република Македонија „Теледом“.

Свеченоста по повод завршување на проектот и доделување на благодарници за учество како и награди на најуспешните ќе се изврши во рамките на свеченоста по повод унгарскиот национален празник „15-ти март“ на 16 март 2019 година.

ЗАЕДНИЧКО УРЕДУВАЊЕ по повод 18 РОДЕНДЕН на ВИКИПЕДИЈА

На 15 јануари 2018 година Википедија наполни цели 18 години. На роденден се носи подарок, а каков подарок се дава на една интернет енциклопедија? Најдобар подарок е пишување на статии, па затоа заедно го прославиме роденденот на Википедија со пишување на нови статии или надополнување на постоечките.

Како резултат на овој повик се вклучија 30 Википедијанци, кои заедно напишаа 44 статии, а на 4 постоечки статии им беа внесени референци.

Детално на следниот линк: https://mk.wikipedia.org/wiki/Википедија:Википедија_18

 

ПОСЛЕДНИТЕ НАГРАДИ ЗА 2018 ГОДИНА

Четирите Вики Клубови во Република Македонија работат активно. Во последните два месеца, односно во периодот од 10 октомври до 9 декември 2018 година, активни беа 41 ученик, кои создадоа и надополнија вкупно 234 статии на Википедија на македонски јазик. За најактивните следуваат награди и дипломи, а наградени се (следуваат корисничките имиња):

Прво место – Jtasevski123

 

Второ место три добитници – Simonka34, Bogdanovicm и Velichovskas

Трето место три добитници – Kalan Wiki2, S.korceva123 и B.cvetkova02

Четврто место три добитници – Ema Trajcevska, Sofka.01 и V georgiev

За најдобри статии се прогласени статиите:  Виктор Емануел III и Бени Гудман.

Им честитаме на добитниците.