ВИКИМЕДИЈА ЦИЕ КОНФЕРЕНЦИЈА 2021

Од 5 до 7 ноември 2021 година, се одржа годишната конференција на Википедијанците од Централна и Источна Европа, која втор пат заради пандемијата не се одржува во живо. Членовите на ГЛАМ Македонија учествуваа на оваа конференција со две презентации. Ана Вишинова, ГЛАМ координатор, зборуваше за ГЛАМ програмата и соработка со ГЛАМ институциите. Валентина Трајкоска и Наташа Неданоска, двете координатори за образование на ГЛАМ Македонија, имаа заедничка дискусија заедно со претседателката Снежана Штрковска, при што ја претставија годишната образовна програма на ГЛАМ Македонија.

ЗАПОЗНАЈТЕ ЈА ШВЕДСКА

Запознајте ја Шведска е уредувачки едномесечен предизвик кој се одржува од 1 ноември (00:01) до 30 ноември (23:59). Тие што сакаат да учествуваат мораат да се член на еден од вики клубовите, да се направи нова статија или да се надполони постоечка и да бидат статиите на шведски теми.
Повеќе информации на следниот линк.

ЗАПОЗНАЈТЕ ЈА СРПСКА – ВИКИ КЛУБ СТАРО НАГОРИЧАНЕ

На 30 октомври, Вики Клуб Старо Нагоричане одржаа уредувачки маратон на тема „Запознајте ја Српска“, како дел на меѓународниот повик. Имаше 5 учесници кои напишаа 9 статии.

Резултати за маратонот можете да ги најдете на следниот линк.

ВИКИ ТИМ БИЛДИНГ

Вики Тим Билдинг беше оддржан од 22 до 24 октомври за членовите на ГЛАМ Македонија и ЕДУ координатори во близина на Охрид. Настанот го отвори претседателката на ГЛАМ Македонија, Снежана Штрковска. На настанот беа присутни 16 членови на ГЛАМ Македонија и ЕДУ координатори, и сите имаа мала дискусија, се претставија, заедно со своите достигнувања и искуства за Википедија и организирање на настани.

На вториот ден од настанот Валентина Трајкоска оддржа презентација за „Википедија и врската со младите“, а Наташа Неданоска оддржа презентација за „Растежот на Вики Клуб Охрид“ и „Градење на партнерства“. Во попладневните часови, за присутните кои што не уредувале досега на Википедија, беше одржана обука за пишување статии на Википедија.
На последниот ден Стојна Арсовска-Доневска оддржа дискусија за проблемите со кои се среќаваат координаторите, особено по КОВИД-19 пандемијата. Настанот заврши со говор од претседателката Снежана Штрковска, доделување на сертификати за учество.
Ова е прв ваков настан односно тим билдинг на членовите на ГЛАМ Македонија.

РЕЗУЛТАТИ НА КАМПАЊАТА „Статии без илустрација“

Годинешната кампања „Статии без илустрација“, која траеше од 1 јули до 31 август, целта беше да се вметнат илустрации во статии на Википедија, односно со тоа да се збогати изгледот на самите статии. Оваа година во текот на двата месеца зедоа учество 13 учесници, кои вкупно уредија 4564 статии.

Според резултатите следните 5 учесници имаат најмногу уредени статии и се победници на кампањата:

ОБУКА НА НАСТАВНИЦИ – ВЕЛЕС

На 28 септември 2021 се одржа обука на наставници во Велес. На обуката присуствуваа повеќе од 16 наставници од неколку школи од Велес. За време на обуката присутните беа запознати со предизвиците за тоа како се користи Википедија во училница, со активностите на Вики Клуб Велес, а на крајот се одржа и едночасовна обука за уредување на Википедија.

Обука на наставници е дел од образовната програма на ГЛАМ Македонија.

ВИКИ КЛУБ ДЕМИР ХИСАР

На 24 септември 2021 се одржа отвoрањето на новиот Вики Клуб Демир Хисар. Со ова се надеваме дека ќе дојде до уште повеќе статии и збогатување на Википедија на македонскиот јазик, како и до зголемување на активните ученици-википедијанци кои ќе помогнат за стварање на овие мисии.

Ова е осми Вики Клуб во Македонија што ги води ГЛАМ Македонија.

Дел од атмосферата можете да видите на фотографиите:

ВИКИМАНИЈА 2021

Од 13 до 17 август 2021 година се одржа конференцијата Викиманија (16-та по ред). Викиманија е најголемата википедијанска конференција на глобално ниво која за првпат се одржа онлајн, а членовите на ГЛАМ Македонија ја имаа среќата да ја следат заеднички. Беа одржани четири заеднички средби за следење на Викиманија: три во Скопје и една во Охрид.

ДЕН НА МЛАДИ

По повод меѓународниот ден на млади, на 12 август 2021 година во претседателската резиденција беше одржан настан за вмрежување во организација на МладиХаб, Кабинетот на претседателот на Северна Македонија и Британската амбасада во Скопје. На настанот наш претставник беше претседателката Снежана Штрковска.

МЕЃУНАРОДЕН ДЕН НА НАЦИОНАЛНИТЕ ПАРКОВИ

По повод меѓународниот ден на националните паркови, на 21 јули 2021 година, во соработка со националниот парк Галичица нашите википедијанци од Вики клуб Охрид под водство на Наташа Неданоска, пишуваат статии на тема водоземци.

Во текот на работилницата, биле создадени 11 статии, меѓу кои за:  Македонски мрморец, гаталинка, зелена крастава жаба, и други.