Образовна програма

ГЛАМ Македонија работи на реализација на проекти поврзани со Википедија, чија главна цел е збогатување на знаењето кое е слободно.

Образовната програма – има за цел збогатување на Википедија со нови содржини како и проширување на постоечките. Оваа програма се одвива пред сè преку основање и одржување на Вики Клубови во Македонија, обука на мклади и возрасни за уредување на Википедија. Од досегашната соработка ги издвојуваме: ООУ „Свети Климент Охридски“ Драчево, ООУ „Светозар Марковиќ“ Старо Нагоричане, Гимназија „Јосип Броз Тито“ од Скопје, ОУ „Кочо Рацин“ од Охрид, и други.

Првиот Вики Клуб во Македонија е основан во соработка со Музејот на македонската борба во Скопје. Започнa со својата работа на 19 октомври 2016 година.

Вториот Вики Клуб во Македонија е отворен и работи во рамките на училиштето „Светозар Марковиќ“ во Старо Нагоричане.

Третиот Вики Клуб во Македонија работи во Охрид.

Вики Камп е заедничко дружење и уредување на Википедијанците ученици во траење од три дена. Првиот Вики Камп се одржа во Берово, од 15 до 17 декември 2017 г. Добредојдени се сите заинтересирани. Повеќе на следниот линк:

Вики конференција за наставници е еднодневна обука и запознавање на наставниците со можностите кои ги нуди Википедија, како и со начините на кои Википедија може да се употреби како наставно средство.

Во Вики Клубовите до август 2018 г. се обучени 195 ученици, создадени се над 1130 нови статии, аоколу 2000 постоечки статии се надополнети со содржина; повеќе од 150 наставници ја поминале обуката на Вики конференциите, а на Вики Кампот учествуваа 55 ученици од 10 школи од Македонија.

Награди за членовите на ВИКИ клубовите

Првите награди за оваа година ќе бидат доделени за активност од 1 јануари до 28 февруари 2018 година, за најдобра статија, најголем број на придонеси и други изненадувања.
Право на учество имаат сите членови на Вики Клубовите.

Вклучете се и освојте една од наградите.

5 години музејска едукација

На 30 јануари 2018 година во Музеј на македонската борба Скопје се одржа пригодна прослава по повод пет години постоење и работа на музејската едукација. На настанот со презентација беа претставени проектите на кои работи Музејот, а кои спаѓаат во образовната програма на, меѓу другите, беше претставен и Вики Клубот кој во просториите на Музејот на македонската борба работи секоја среда од 15 часот.

На настанот присуствуваа и членови на ГЛАМ Македонија, а претседателката Снежана Штрковска зеде збор во претставувањето на работата на Вики Клубот.

Потребата од дигитализација во 21 век

На 18 јануари 2018 година, во ЈУ Градската библиотека „Браќа Миладиновци“ во Скопје се одржa отворена панел дискусија на тема „Потребата од дигитализација во 21 век“.

На настанот говорea:
*Даниела Митевска, историчар едукатор во Музеј на македонската борба Скопје, –
*Јасмина Најдовска, советник за средување архивска граѓа, нов период во Државен архив на Република Македонија,
*Гордана Јовиќ Стојковска, матичен Википедијанец и
*Гордана Андреева, програмски раководител на Матична библиотека „Браќа Миладиновци“.

Настанот е во организација на Здружението за умножување на слободни содржини ГЛАМ Македонија од Скопје и Градската библиотека „Браќа Миладиновци“ од Скопје, а по повод  роденденот на семрежната енциклопедија Википедија.

Контакт

Контакт инфо:

Име на организација: Здружение за умножување слободни содржини ГЛАМ Македонија Скопје

Адреса: Ул. Будимпештанска бр. 33Б, 1000 Скопје, Република Македонија

Лице за контакт: Снежана Штрковска, претседател

Телефонски број за контакт: +389 (0)78 416 754

Електронска пошта: glammacedonia@gmail.com

Веб страна: www.glammacedonia.mk

Датум на регистрација: 7 февруари 2016

Членство

Членувањето е бесплатно. Доколку сте заинтересирани за соработка, за дружење со нас, за поднесување на предлози како да се подобри Википедија, и сакате да се приклучите во ова глобално движење, еден од начините е да ја потпишете пристапницата.

ПРИСТАПНИЦА

ГЛАМ Македонија

ГЛАМ Македонија е непрофитно, невладино и непартиско здружение, чија главна цел е прибирање, умножување и споделување на слободни содржини, исклучиво на непрофитен начин, како и промоција на идејата дека сите луѓе треба да имаат еднаков пристап до знаењето и образованието.

Здружението е регистрирано во Република Македонија и делува како признат огранок во нашата земја од страна на фондацијата Викимедија. Фондацијата Викимедија е непрофитна меѓународна организација која ги координира активностите на признатите независни ограноци со кои ја има истата цел: збогатување на Википедија со содржини, како и останатите јазични Вики проекти.

Историјат

ГЛАМ Македонија е основана на 7 февруари 2016 година. Википедијанците кои се основачи на ова Здружение, како и останатите членови, се собрани околу идејата за збогатување на Википедија на македонски јазик. Извршното тело на ГЛАМ Македонија се состои од: Претседател, извршен директор, Извршен одбор составен од пет члена, и двајца координатори на проектите.

Донации

За сите вас драги луѓе кои се интересирате како можете да ни помогнете: за да ја оствариме целта на нашата мисија, сите проекти ги реализираме преку донации.

Википедија е една од најпосетуваните страници на интернет, што ја читаат сите возрасти. Ако секој што ќе ја прочита оваа порака уплати еднократна или месечна донација од 100, 250, 500, 1000 денари, потребните средства за ефективно работење би ги собрале за неколку дена. Но, не може секој да одвои од својот буџет за да донира. И ова е во ред.

Донирај паметно, поддржи ја работата на Вики Клубовите во Македонија.

За уплати од РМ:
270-071088340126 Халк банка, Скопје.
Или за плаќање од странство PayPal

Ви благодариме за поддршката што ни ја пружате.
Тимот на ГЛАМ Македонија

Каде одат вашите пари
Технологија: одржување на компјутерите, набавка на делови за донираните хард дискови за Вики Клубовите, монитори, УСБ конектори, интернет картички и слично.
Луѓе и проекти: другите непрофитни организаиции имаат вработени, но кај нас волонтерите ги вршат сите активности. Времето на волонтерите не се плаќа, но трошоците кои ги имаат додека се ангажирани на проекти треба да бидат платени.