СЕМИНАР ЗА НАСТАВНИЦИ ВО О.У КУЗМАН ЈОСИФОВСКИ – ПИТУ

Во организација на здружението ГЛАМ Македонија, на 30 јуни оваа година, успешно беше реализиран семинарот за наставници од О.У Кузман Јосифовски – Питу во Скопје.

На предавањата, учество земаа дури 34 наставник по различни наставни предмети, а предавачи беа М-р Татјана Гогоска која зборуваше за Медиумската писменост и култура кај возрасните и нивното влијание врз деца, Ана Вишинова за Вики Клубовите и Вики Камповите како и претседателката на ГЛАМ Македонија – Снежана Штрковска, која наставниците ги запозна со активностите на организацијата.

На крајот од 3 часовниот семинар, сите учесници се здобија со сертификат за успешно завршен семинар.

УРЕДУВАЧКИ МАРАТОН – СВЕТСКИ ДЕН НА БЕГАЛЦИТЕ 2022

На 24 јуни 2022 година се одржа уредувачки маратон на тема Светски ден на бегалците. Активноста е дел од глобалниот повик International Refugee Day Edit-a-thon 2022 којшто се одвиваше од 20-26 јуни 2022 година. Својот придонес го дадоа 19 уредници со 51 нова статија, кои ја збогатија Википедија на македонски јазик со нови статии и содржини.
Овие проекти се дел од Глам Македонија.

Сите новосоздадени статии може да ги погледнете на следниот линк.

ВИКИЛАЈВ 2022

Во деновите на 28 и 29 мај 2022 се одрша шестиот по ред Викилајв во белград, што е конференција на која српските Википедијанци и Википедијанците од регионот се собираат за да разменат искуства, да споделат технички решенија, и да договорат нови соработки.

Конференцијата беше одржана во СКИП центарот, а во текот на двата дена се одржаа и три тркалезни маси, односно паралелни сесии за образование, ГЛАМ програмата и разновидност.

Годинава ГЛАМ Македонија испрати свои претставници:

Наташа Старделова, која се вклучи со свое излагање во образовната тркалезна маса, и Снежана Штрковска, која имаше свое предавање на тема соработка со амбасадите.

На фотографијата: сите учесници на Викилајв од првиот ден.

ДОДЕЛУВАЊЕ НА СТАТУЕТКИ ЗА ТРАЕН ПРИДОНЕС

На ден 25 05 2022 година се одржа свечено доделување на првите статуетки на Википедијанци за траен придонес, кое претставува највисоко признание кое што им се доделува на уредниците на Википедија на македонски јазик во знак на благодарност за нивниот долгорочен придонес кон проектот. Секој од наградените уредници се здоби со наградна статуетка со википедиски мотив – логото на Википедија.
Во план е  да се доделуват секоја година статуетки на Википедијанци кои ќе ги исполнат условите:
* најмалку 10 години од првото до последното уредување;
* најмалку 10 последователни години со направено уредување;
* најмалку 10.000 уредувања (без вратени и автоматски уредувања); и
* уредникот не бил блокиран на временски период подолг од една седмица

Ни претставува огромна чест и задоволство што овие статуетки ги доделува заедницата секоја година во знак на благодарност на Википедијанците кои се залагаат и ја збогатуваат Википедија на македонски јазик, изјави Снежана Штрковска председател на Глам Македонија.

УРЕДУВАЧКИ НАТПРЕВАР НА ТЕМА „Статии по години по област“

 

Во период од 18 април до 8 мај 2022 се организираше уредувачки натпревар на тема ‘’Статии по години по области’’, проект беше реализиран од страна на здруженијата на граѓани „ГЛАМ Македонија“, „Споделено знаење“ и Википедија на македонски јазик, кој имашe за цел да помогне во подобрување на веќе постоечките статии како и создавање на нови статии. На напреварот право на учество имаа исклучиво ученици на возраст од 15 до 18 години. Учесниците во рамките на натпреварот требаа да уредуваат статии, кои недостигаат на Википедија на македонски јазик а истите беа прегледувани и бодувани од страна на три члено жири, кое донесе конечна одлука за победниците.

Во продолжение се рангирани учесниците врз основа на збирниот резултат на оценките доделени од страна на членовите на жири-комисијата.

1 место – Виктор Боројевиќ

2 место – КаланВики и за најдобра статија во втората недела

3 место – Петар Барса

Особено горди што сите тројца добитници се членови на Вики Клубовите на Глам Македонија.
Повеќе инфо на следниот линк.

ВИКИ КАМП – МАВРОВО 2022

Здружението ГЛАМ Македонија кое работи на организирање на настани поврзани со слободната енциклопедија Википедија во соработка со училиштата низ Македонија и наставници-ментори на Вики Клубовите, организираше Вики Камп за ученици од различни градови од Македонија.

Вики Кампот беше во траење од три дена, од 6 до 8 мај 2022 година и се одвиваше во Комплекс Кораб Трница во Мавровскиот регион. Учествуваа 40 ученици од основни и средни училишта во Македонија, кои преку меѓусебно запознавање и дружење имаа можност да се запознаат и да бидат обучени за уредување на статии на Википедија на македонски јазик.

Во текот на овие три дена создадоа 353 нови статии на теми за флора и фауна на Википедија на македонски јазк. Меѓу другите активности на Вики Кампот се одвиваа предавања и обуки и
заеднички работилници за напредно уредување на Википедија. Стана збор и за начинот на проведување на експедициските теренски истражувања од областа на географијата, природата, земјоделството, културното наследство, архитектурата и археологијата. Исто така учениците имаа можност за организирана прошетка во Шаркова дупка, како и предавање на дипломиран еколог Икмет Ејупи од Националниот Парк Маврово.

Вики Камповите се добра можност младите википедијанци да стекнат сигурност во уредувањето
статии на Википедија, како и можност да ги разгледаат убавините на местото каде што се одвива Вики Кампот, изјави претседателката Снежана Штрковска.

Инаку ова е четврт Вики Камп во организација на ГЛАМ Македонија.

Сите фотографии можат да се видат на следниот линк.

УРЕДУВАЧКИ ДЕН – Меѓународен ден на Ромите

На 1 април 2022 година се одржа уредувачки маратон на тема Меѓународен ден на Ромите. Активноста е дел од глобалниот повик International Roma Day Edit-a-thon 2022 којшто се одвива од 1-8 април 2022 година.

Учество во уредувачкиот маратон земаа 27 уредувачи кои ја збогатија Википедија на македонски јазик со 128 нови статии на даденената тема. Им благодариме на сите кои го дадоа својо придонес.

Сите новосоздадени статии може да ги погледнете на следниот линк.

ВИКИ КЛУБ ОХРИД – нова интересна работилница

Од пред една година започна соработка и партнерство со Националниот парк Галичица кое е од огромна значајност за Википедија на македонски јазик и за нејзино збогатување со статии за вредниот ендемски жив свет во неа.

На инцијативна на една од најпосветените членови, Наташа Неданоска, се одржа работилница и предавање на тема: „Водоземци и влекачи во национален парк Галичица“ во просториите на НП Галичица. Предавањето го водеа Еди Фрцовски и Александар Минев од ИДСБ, а домаќин на настанот беше Ангела Тасеска од ЈУНПГ. На предавањето присуствуваа ученици од ООУ „Кочо Рацин“- Охрид, членови на Вики клуб Охрид, под менторство на координаторот Наташа Неданоска, кои по ова предавање, збогатени со материјали и информации од областа на херпетологија, за поединечните видови би ја збогатиле со статии Википедија на македонски јазик.

Целта е да се збогати Википедија на македонски јазик со квалитетни статии од областа на науката и културата и сè што е поврзано со градот Охрид во соработка со соодветните институции за нејзиниот регион, оставајќи трајни вредности на енциклопедијата. – велат од Вики клубот Охрид.

ЗАПОЗНАЈТЕ ЈА СРБИЈА – ДОДЕЛУВАЊЕ НА НАГРАДИ

Во Амбасадата на Србија 23 март, имаше свечено доделување на наградите за победниците на едномесечниот уредувачки предизвик ‘’Запознајте ја Србија’. Настанот беше организиран од страна на Амбасадата на Србија и Здружението на граѓани ГЛАМ Македонија. На доделувањето учествуваа победниците, Амбасадорката Невена Јовановиќ, Преседателот на здружение на срби во Македонија – Гордана Јовиќ-Сојковска и член на извршен одбор на Глам Македонија како и Претседателот на здружението Снежана Штрковска. Википедија на македонски јазик е збогатена со 1206 нови статии на теми поврзани со Србија од 23 млади уредувачи. Најдобрите 6 уредувачи, се здобија со дипломи и награди кои ги додели Амбасадорката на Србија во Скопје.  Досега, од ваков тип на уредувачки натпревари се имаат успешно реализирани за Унгарија, Русија, Германија, Шведска како и сега за Србија. Во иднина очекуваме уште многу натпревари од ваков тип за различни земји и култури, изјави Снежана Штрковска – председател на Глам Македонија.

ЗАПОЗНАЈТЕ ЈА СРБИЈА – РЕЗУЛТАТИ

На 20 јануари 2022 година, започна едномесечниот уредувачки маратон за сите учесници на Вики Клубовите во Република Македонија „Запознајте ја Србија“ кој траеше до 20 февруари.

На уредувачкиот маратон беа создадени 1206 нови статии од 23 учесници. Целта на овој уредувачки маратон беше да се намали недостатокот на статии поврзани со српски теми како историја на Србија, географија, култура, познати личности итн. Доделувањето на наградите ќе биде на 23 март (среда) 2022 година во 13 часот во Амбасадата на Србија.

Добитниците ќе бидат лично контактирани за да се известат за условите на доаѓање и приемот во амбасадата. Според доделените поени од страна на жири комисијата, првите пет победници се според овој редослед, а останатите резултати можете да ги погледете на линкот:

1. Марко К.‎ – (190 статии) 2203 поени
2. Kostovska‎ – (96 статии) 1035 поени
3. Mario Stamenkoski – (254 статии) 985 поени
4. Petar Barsa‎ – (104 статии) 845 поени
5. Gdimovska13 – (93 статии) 788 поени
5. Viktor Borojevic – (140 статии) 788 поени